अकोला, दि. २ : महाराष्ट्र वैद्यकीय परिषदेच्या निवडणूक गुरुवार, दि. ३ एप्रिल रोजी होत आहे. सर्व नोंदणीकृत वैद्यकीय व्यावसायिकांनी मतदानाचा हक्क बजावावा, असे आवाहन करण्यात आले आहे. सदर निवडणुकीचे मतदान दि. ३ एप्रिल रोजी सकाळी ८ ते सायंकाळी ५ वाजे दरम्यान होणार आहे. सर्वोच्च न्यायालयाने SLP N०.८५७६/२०२५ या याचिकेमध्ये विद्यमान निर्वाचन अधिका-यांऐवजी नवीन निर्वाचन अधिकारी तात्काळ नियुक्त केल्यास निवडणुक प्रक्रीया पुढे सुरू ठेवता येईल असे निर्देश दि. २ एप्रिलच्या आदेशान्वये दिले आहेत. सदर आदेश विचारात घेता, महाराष्ट्र वैद्यकीय परिषदेच्या निवडणुका घेण्याकरीता सुनिलकुमार धोंडे, अवर सचिव, वैद्यकीय शिक्षण व औषधी द्रव्ये विभाग, मंत्रालय, मुंबई यांची नियुक्ती निर्वाचन अधिकारी म्हणून करण्यात आली आहे. महाराष्ट्र वैद्यकीय निवडणूक-२०२५ च्या अनुषंगाने सर्व नोंदणीकृत वैद्यकीय व्यावसायीकांनी महाराष्ट्र वैद्यकीय परिषदेची निवडणूक नियोजित वेळापत्रकानुसारच होणार असल्याने गुरुवार, दि. ३ एप्रिल २०२५ रोजी मतदानाचा हक्क बजावावा, असे आवाहन करण्यात आले आहे.
००००
Follow this link to join my WhatsApp group: https://chat.whatsapp.com/G1fQRzS3DZrF8GxGE02ZUm
