महसूल मंत्र्यांच्या हस्ते होणार व्हर्च्युअल उद्घाटन
अकोला : उपअधिक्षक भूमी अभिलेख कार्यालयांच्या ठिकाणी नागरिकांच्या सुविधेसाठी अद्ययावत सोयींसह भू-प्रणाम केंद्र स्थापित करण्यात येत असून, त्याचे व्हर्च्युअल उद्घाटन राज्याचे महसूल मंत्री चंद्रशेखर बावनकुळे यांच्या हस्ते उद्या, शुक्रवार दि. 4 एप्रिल रोजी स. 9:30 वा. होणार आहे. नागरिकांच्या सेवेसाठी केंद्रात सेतु सेवा केंद्रही कार्यान्वत होत असून, नागरिकांना भूमी अभिलेखविषयक सर्व प्रकारच्या सेवा एकाच ठिकाणी उपलब्ध होणार आहेत. पहिल्या टप्प्यात राज्यातील 30 कार्यालये निवडण्यात आली. त्यात अकोला कार्यालयाचा समावेश आहे. नागरिकांच्या सुविधेसाठी स्वागत कक्ष, अभ्यागत कक्ष, स्वच्छतागृहे, सीसीटीव्ही, सूचनाफलक, फर्निचर, संगणक आदी सुविधा असतील. भूमी अभिलेख उपअधिक्षक कार्यालयात उद्या स. 9.30 वा. हा कार्यक्रम होणार असून, मान्यवर पदाधिकारी, अधिकारी उपस्थित राहतील.
०००
